|Mamlaka ya Hali ya Hewa Tanzania

Maeneo yanayopata misimu miwili ya mvua, wakulima wanaendelea na shughuli kuandaa mashamba na kupanda isipokuwa baadhi ya maeneo ya mkoa wa kagera ambapo mazao yaliyopandwa mwanzoni mwa msimu wa vuli yako katika hatua ya palizi.
Kutokana na hali ya ukavu wa muda mrefu kwa maeneo mengi yanayopata msimu mmoja wa mvua na nyanda za juu kaskazini mashariki wafugaji wanashauriwa kutumia malisho na maji kwa uangalifu.
Kwa taarifa zaidi tafadhali pakua

Utabiri wa mvua za Vuli mwezi Oktoba hadi Disemba 2019 ni mahususi kwa maeneo yanayopata misimu miwili ya mvua kwa mwaka.
Msimu wa Vuli unatarajiwa kuanza katika wiki ya pili ya mwezi Oktoba 2019 katika Ukanda wa Ziwa Viktoria na pwani ya kaskazini na kuisha kati ya wiki ya kwanza na pili ya Januari 2020. Kwa nyanda za juu kaskazini mashariki unatarajiwa kuanza wiki ya nne ya mwezi Oktoba 2019 na kuisha wiki ya nne ya mwezi Desemba 2019.
Msimu wa Vuli unatarajiwa kuwa na mvua za wastani katika maeneo mengi pamoja na uwezekano mkubwa wa kupata mvua za juu ya wastani katika maeneo ya mikoa ya Mwanza, Mara, Geita, Simiyu and Shinyanga
Hali ya upungufu wa unyevunyevu wa udongo inatarajiwa katika maeneo ya nyanda za juu kaskazini mashariki itaathiri shughuri za kilimo cha msimu.
Vipindi vifupi vya mvua kubwa vinatarajiwa kujitokeza na hivyo kuongeza uwezekano wa mafuriko hata katika maeneo yanayotarajiwa kupata mvua za wastani hadi chini ya wastani.

Mamlaka ya Hali ya Hewa Tanzania